係啦
係好老土既
我想講下呢段關係俾我既一點想法
首先就係帶有期限性既認知
好明顯
一開始大家就知道呢段係「一年」既感情
一年之後既事無人可以預知
但至少有一年時間俾大家去想像一年以後可以如何
其實
呢種期限性既戀愛絕對係唔健康的
因為總係會帶著多一份限制
從而有時會不自覺咁產生出悲劇人物式既錯覺
但係亦有好處
就係大家會好珍惜相處既時光
因為「一年」其實好短暫
不過咁明知得一年
係咪一開始都係諗住：有個人陪下無咁悶咁咪好啦，no hard feeling既
拿
一開始咁諗呢係無錯既
我又唔係ｄ咩道德之士
我唔會懶正義咁
但係相處得耐就自不然會產生感情
係真正既感情
雖然由於我未離開英國所以不能證實呢ｄ感情終究係咪都係我寂寞而產生
但係至少而家我相信我係愛佢的
而又好明顯
我而家係賴哂野架啦
意思大致上即係比我想像中更愛啦
咁其實
拍拖都係想搵到個你好愛佢佢又好愛你大家又相處到又肯commit既人姐
仲想點姐
絕對無錯
但係問題又來了
咁如果我下年唔留響英國
下下年唔留響英國
下下下年唔留響英國
咁我們如何是好呢？
長途既戀愛絕對係同自己拍拖同自己親密同自己談心
我估
係好難可以成事的
但係如果我選擇返香港
係咪就代表我唔夠愛佢呢？
點解要咁樣量咁樣秤？
其實唔通又係我自私又係我愛自己多過愛別人？
我而家唔係火紅紅既中學生
又唔係火紅紅既大學生
我做唔出咩野為左愛情放棄一切既事
我好唔想成日要evaluate自己有幾愛呢個人
咁樣好似好calculative
而我覺得愛情係感覺係相處係信任
我越諗得多
愛既成份就越少
我覺得呢個人我雖然只係同左佢一齊半年
時間上黎講真係唔多
但係生活經驗係濃縮既
同埋同佢一齊我覺得認識自己多左好多
可能係我地之間既差別好大
我對於愛對於生活既好多睇法而家都好似通透左無咁執著
我唔敢講係完全關佢事
但至少我覺得我想珍惜佢
唔想放棄呢個人
而家我既感覺
就係
連氣兩次綠燈都過渡了 與他再愛幾公里
當這盞燈轉紅便會別離 憑運氣決定我生死
隨著年歲增長
再加上在外頭生活
對於改變係真係越來越害怕
害怕不能預計既壞
亦害怕預算之中既壞
我覺得當我真正開始認識呢個人既唔好個時
就更加係我應該好好明白呢個人既時候
我覺得呢個人真係好好
但係唔係我驚我唔再遇到好既人
人生這麼廣
永遠也有更好的在前頭（又或者不）
但感情貴乎的也許就是commitment
而不是永遠去追逐那個或存在或不存在的better man
唔
我知我講得真係好老土
但係唔知係咪越老土
就越代表我真係戀愛緊呢？
唔好打我唔該
呢ｄ真係我的一點疑惑
而家我知我諗爆頭都解決唔到
而相信大家都會係叫我到時先再諗啦
其實我估
而家諗或者到時諗
都係關於賭博
賭唔賭一鋪
但係賭仔無出頭
有次我地傾計又講呢樣野
佢話：i wish i was a Hong Kong boy. It would be much easier for you.
其實我心裡面諗：i wish i was a spanish girl. It would be much easier for you.
看著你來 隨背影掩蓋 我沒法不愛
我是行李 你是遊客
笑著來 要笑著離開
背後有床 不需有愛
睡醒不怕另有將來
如早知道夏季不再來
斜陽垂下了薔薇仍是會開
近在眼前 時間剛剛好 去讓你知道
見面愉快 告別難過
我仍然會笑著祈禱
有沒有誰心中有數
怎麼雙眼尚有濕度
明天將會更好的信徒
如害怕煩惱為何期望太高
只怪我一心愛人
忘掉隨手撫摸得到的傷痕
壞了千萬盞燈 燒光每段眼神
只發現和你衣不稱身
對不起我不過為愛人
從未曾天真得相信永生
曾共你一起 即使毫無好處
起碼能回味那邊臉被吻
難共你一起 即使毫無希冀
起碼能期待這邊臉被吻
係lor
如害怕煩惱為何期望太高
但係我都只係人姐
