It was really my bad day.

 

張鴻驥，我好掛住你。好驚。點解我乜都做唔到。

原本是《最好的時光》，現在成了反高潮。

 

 

meet 左 Stefan！yeah！為左隆重其事，寫返句德文先！

Heute war ich sehr gluecklich! Ich moechte immer mit Stefan und Amy und Joseph zusammen Spazieren gehen (aber gehe ich heute nur mit Stefan in Causeway Bay)! Und ich will zu ihnen Tintenfisch-en gehen (我作的，釣墨魚）！

佢仲未病好呀，已經成兩個月啦bor，希望呢幾個星期佢玩得開心ｄ個病不藥而癒啦～

Today we just fooled around, but it's really happy.

How I missed the days in Europe.

 

Buena Vista Social Club meant so much to me.  In my dorm in Freiburg, I almost listened to it once a day.  And it is one of his favourite albums too.  I still remembered how he sang after the first song "Chan Chan" in the album.

發了一個惡夢。一個目前我很喜歡的人不理睬我。

整個夢都跟我平常害怕的東西好似，例如自己做好多小動作跟住law黎衰之類，故此害怕度超標得很。

然後，看了Lars von Trier的《天黑黑 dancer in the dark》，更灰。

不知是導演初段dogma式DV拍法所至還是我真的太心up，看完很頭痛，呼吸還有點困難。

故事沒有韓式摧淚法，只是由頭到尾都灰暗得很，生活的小節，乃至bjork說話的方式神態，都令我覺得好痛。縱使故事中間有《天邊一朵雲》式歌舞穿插，但以歡愉的神態去述說自己悲慟的心跡，是否更殘忍了一點？

單親媽媽的故事。患有眼疾接近盲眼邊緣的女人的故事。被人出賣的故事。好像無論我怎樣詮釋，都還差一點。好久沒看過一個暗黑得令人心跳加快甚至有點作悶的故事。我覺得唔係故事，係真的人性。人生兩個字，重得令人無法承受。

那個villain，不是徹頭徹尾的壞蛋，有正職，有老婆，有屋，同你同我同普通一個人別無兩樣。原來突然的念頭可以來得那麼邪惡。你同我都係。最得人驚係咁。

她說，最喜歡看musical，永遠唔會有bad things happened，但不喜歡看finale，因為那樣就完了。所以永遠在next last song就離場。she called this some kind of cheating。

所以她也選了在自己的next last song離場了吧。她最後被吊死。但那不是finale。我覺得。

有人問她，點解明知生個仔出黎，會同她一樣有遺傳性慢性失明，都要生，攪到最後如此下場，她說，我只係想試下hold a baby in my arms。我好愛這個女人。她面對了一切。

bjork是不是生來就是要演這個角色呢？唔係演技圓唔圓熟既問題，佢既神色好奇特，十分不穩定，令我都看到十分不穩。我的眼還在痛。

 

之後特登走去執房，覺得體力勞動下可能個人既心情可以release d。天，執極都如此亂，唔該俾多ｄ儲物空間我。

徒然lor。

本身仲唔識死諗住懶勁地睇埋《dogville》添。

今日與家兒及潔兒吃中飯，又一城的火百合，好抵食，及好好笑，一腔怨氣的大一生啊！很像當年的我們。

同佢地一齊真係好開心，零壓力　

得到CC Mentorship programme的資料lu，現任科大副校長兼前dean of business school，opps，完全out of my expectation，不過都唔係壞事，至少可以將我從浪漫化既世界拉返近少少呢個現世。

跟住上拉記途中撞到朱Nick，佢好勁呀，認得我仲超大動作同我揮手添呀！佢真係勁有心bor，想幫本科生攪ｄworkshop呀個d野，仲想將reli同cult既同學仔拉埋d！非常cute同盡心盡力呀 (家兒都認同的)。我同佢講過下讀書會同電影會啦，佢勁interested，不過唔知最終會攪得成ｄ咩野呢。

傍晚做完野在中大走的時候，戴著mp3，除下眼鏡，看不到，又聽不到。

世界好像在重重的smog中，感覺很得意。

我又覺得我會撞到人，但係又撞唔到。

好想找到一個

好想同佢一齊完成一件事既人

好想從後擁抱一個人

因為擁抱從來只係需要一個唔係理由既理由

《梁祝．下世傳奇》不只是一個關於愛的傳奇吧

等足一個月的何CC音樂劇場《梁祝．下世傳奇》，被佢最尾個句「多謝大家黎睇呢個演唱會」ruin左少少。但比想像中好好多呢！

好明顯的是，佢ｄ飛賣得如此貴，佢係取之於民用之於民既，個台靚到呢！

一開始個幕既「布海」，已經睇到我呆左，之後個ｄ橋呀燈呀，全部都係ｄ大舊野，全部落足本既set。所以係睇得賞心悅目的。

阿詩把聲好沙，endy做戲好硬，阿祖做gay俾現場d o靚仔o靚妹笑，好多fans在阿詩除衫時尖叫，有人好狗地開閃光燈影相。無錯，成件事好紅館concert feel。不過live band的感染力，真的是大得讓人暈頭轉向的！

故事黎講，其實如果大家唔好博故既話，係會睇得好開心的，個人覺得比《你今日拯救左地球未？》感覺良好得多，不過是否對歌手做theatre 自動降低期望有關就不得而知。

阿詩d costume，無時無刻都令我想起梅姐。一粒star。

甚至有點馴情記的延續，看過的人自會明白。人名，情感，細膩的延伸。

講左咁耐，其實係覺得好好睇的，因為我鐘意何cc同周國賢同梁祖堯同楊淇

今天上了電影課，終於對d technical的東西有點概念了。

然後再上埋陶生課，對生命的感動又多了一點點。好像很誇張。

講到「抹去重來」這個概念，說明人作為一個「存憶主體」在生活著，不斷的擦去經歷的痕跡，又再寫上去，又再擦去，但擦去的某些東西會繼續影響我地之後既生活 / 命。有d似之前的水松板理論呢，有ｄ東西係註定與我們一起生活直至永遠的。

又講到對神秘力量既迎接。我地既命運或多或少都好似被一ｄ神秘、不可知既力量影響著，我地可以打開雙手，去迎接呢種屬於自己的、特殊的生活方式。呢樣野我覺得真係好中。有時我會諗，點解我會好似而家既我咁樣生活，點解我係讀文化研究唔係讀商，點解我有細佬妹但係無阿哥。但係如果能夠打開雙手去迎接呢ｄ種種既神秘、未知，我覺得會同自然能夠契合多一點。即係做人會開心ｄ掛。

仲有尼采既「精神三變」，人既心靈上既成長如果能夠經歷呢三個階段，就十分好啦。首先係駱駝stage，即係「負重、孤獨走過荒漠」，簡單ｄ講就係學下點樣孤獨但係不寂寞。我覺得我而家在呢個stage struggle緊啦，處於唔想完全自己一個人同好想一個人靜下既狀態。不過在呢個都市生活，資訊爆炸成咁，好難做駱駝的。連唔帶一日電話大家都會想死咁滯啦。

跟住就要變獅子，「對抗巨龍的『你要』，獅子要說『我要』」，即係話要適度地批判傳統掙開束縛。做到駱駝先諗呢個啦。

最後就係要變返做孩子，「生命必須善忘，天真，新的開始，好像小孩初到世界般，好奇，感到興致」，善忘係忘記背後難以忍受既痛苦經驗，重新認識自己既生命。

 

唔係講笑呀，真係有少少感召式的感動湧了上來。其實係咪無啦啦咁去反省下生命先會有如此情懷？我好鐘意陶生的課，不在於對哲學辭彙既理解，而係對生命既多一份關懷、觸動。

看左《當碧咸遇上奧雲》，係獨立電影人黃修平既作品，仲有alok既配樂，我覺得睇得好開心，可能「年青」呢個話題永遠都唔會講悶左。

兩個o靚仔踢波ok屋村仔一齊玩大感情好，成日講住「成熟ｄ啦，好心」同「咪玩野啦，唔該」，可愛到死，仲要衰鬼到將對白飯魚收在樹上下次著先「搖」返落黎。

好明顯「我係咪gay？」應該係每個細路曾經心裡面輕輕想過既問題，估唔到佢會咁勇，食食下飯同阿媽講：「媽媽，其實我係gay既」!!!!!奧雲鐘意碧咸，唔知會唔會work?

最後一幕真係打中核心處，下雨天奧雲勁depressed走去球場淋雨，覺得愛上一個不該愛的人掛（!!!），碧咸搵到黎，講左句：「不如我地重新黎過。」正！！！

青蔥既疑惑，一幕幕既童年歲月，好好feel的一部戲，因為你同我都試過係奧雲，鐘意過一個碧咸。但係「重新黎過」呢個concept，在生命中能recycle幾次？

另外訓導主任透過沒收回來既hello kitty扇 (個d每個中學/小學女生都會有一把，大熱天時既恩物），在晚上無人既教員室裡望出窗外，一有燈光就會見到唔同顏色既kitty，有種令人無名的感動，毛管擴張。

 

重溫左《花與愛麗絲》。無言。

愛麗絲與爸爸的相聚，她跳舞，花與愛麗絲一起上芭蕾舞課，花的謊話，她和他和她相愛。謊話編成的世界，無限延伸吧。

 

正在讀劉以鬯《他的夢和他的夢》。

今日週會，陳偉光教授講夢想，好老生常談的一個命題吧。

他說：「以前d人，靚仔既話會特別串特別囂，靚女既話就特別刁蠻特別任性；而家d人勁左，唔靚仔既都串左先囂左先，咁就好似會係靚仔，女仔就咩都唔理野蠻左先，咁就好似會靚女左。」好準確的observation。

他又說：「美麗人生，係充滿瑕疵，滿載傷痕。擁抱不完美。」太同意了。

MLC開學飯。雖然是開學的飯，但卻溢滿了離愁。

在lib裡看了西西的《哀悼乳房》的少少，總覺得自己「人生中不能不看的ｘ部書」有太多而我的進度太慢精神太散毅力不足所以看得不多。

『我們太重智慧，總把軀體忽略了。皮囊不存，靈魂如何安頓呢？』（西西，《哀悼乳房》）

一言驚醒。也許有時我們自大得以為只有身體以外的才是永恆。

 

很累。

小丑說，不想與人說話。連向上翹起的咀角，也收下來了。很害怕收起了的咀角。不是他的，是我的。

 

今天低低的。

 

不事生產的一天。

但我又需要生產些甚麼呢其實？

最勁的是，作為黎ｘcore group的一份子，我今日做左樣驚天地泣鬼神既大事，回復少女情懷。i have tried my best, and i have no regret.

逛左一轉香港仔圖書館，一個很街坊既圖書館呢，雖然我唔係在呢度大，但感覺都幾接近華富個library。其實一個做得好既library唔洗要個d咩仿歐洲古典建築設計，又唔洗有齊全套論語既原典，坐0係度睇書又唔洗填卡申請個study area。我行入去，見到有d阿叔阿嬸睇報紙，有ｄ做廚房既落場黎坐陣睇返兩回武俠小說，一個好混雜好和諧既public space，仲有知識既產生。

聽左一day電台，久違了。當然，freiburg晚上的FM 106播既英文歌都仲係令我好神往。

三十六計之DGTY。正！！！(想知係乜問我)

 

Cerys：單車及羽毛波之事，交由你全權負責，絕對放心

琪姊：就一齊睇啦！

牛：你有空咩？我驚你太忙於從事藝術創作 (人像攝影) 呢！放得低相機 (及人) 的話可以聯絡我啊 ~~~~~

開學一星期。

上左一些喜歡的課，見左好多好熟悉好掛念的朋友和同學，有ｄ有趣既教授，中大的canteen，少少屈機既deutsch kurs，上午班的時間表，星期一day-off，sit埋堂。充實的退休生活。

最慘係內心依然有少少維持著歐洲生活的pace，簡單ｄ講就即係痴 lup lup，乜都唔想做；但個問題係，外在環境既pace快到乜gum，我唔通拍MV咩，淨係我慢其他野勁快！

正在做的事：

執相、不停地plan schedule、嘗試pick up返黎緊有甚麼戲看有甚麼theatre有甚麼歌、看ing《死亡筆記 death note 第7期》、meet朋友、看《刑偵》、影印readings、嘗試整理歐遊的收藏品。

好想做但暫時做唔到的事：

早訓、執房、看書架上的書、看自己的vcd、打羽毛波、踩單車、著褸。

 

感受最深的是，我已經是三年級生了。身邊見到好多新生，他們徬徨、熱情、躁動，我唔可以話我已經熄滅，但，經歷/驗係將圖釘吉在水松板上，無論你有無mung返走粒釘都好，個lone都會存在。

我係一塊有好多洞洞既水松板。我們都是。

註：《死亡筆記》真係十分好看，要用腦的漫畫，有時間又肯用腦不妨看看

再註：香港亞洲電影節，我想睇《最好的時光》、《女孩像你》、《變態五星級》、《攻殼機動隊之無邪》、《只愛陌生人》、《戀人》、《NANA》、《親切的金子》。

唔該呀，搵人陪我睇呀，黎呀，陪我啦。

 

ps：張鴻驥，改左lor，唔該lor

刑事偵輯檔案！

 

今日上堂阿sir話香港人有種collective identity，例如無線劇集。是的。

古巨基的主題曲 + 師奶殺手期陶大宇 + 阿蘇 + 方漪琪 + 無線陳啟泰 + 未磨面骨郭可盈 + 碎屍case

90s re-run/re-appear/re-construct/whatsoever

好耐無睇過d無字幕既電視節目。

我好掛住stusie Haus 30 5/F 我自己間房 我個層d人 我個廚房+common room 我個balcony 其實nearly everything except個toilet

 

好掛住弗萊堡寬闊的街 很有序的strassenbahn (後面幾靚個棟野係M記來的) 行路時隻手腳可以fing fing下都唔會撞到人

還有全歐洲最可愛最得人鐘意最鐘意咬椅同撩人玩的「弗萊堡寶」

 

快要開學了，我還是很想念弗萊堡的生活。夜涼如水。

餅餅，見係你tag先玩咋  不過呢條都幾易玩，大家都一齊啦~

1.)電腦中音樂所佔的容量

　5.8 gb

2.) 正在聽的音樂

　mr curiosity --- jason mraz

3.) 最後買的CD

　x & y --- coldplay

4.)最喜歡／印象最深刻的音樂五首

　wah, 五首gum多, 唔好多d添........難到死

　1) yellow --- coldplay

　2) she's the one --- robbie williams

　3) truely madly deeply --- savage garden

　4) 黑夜不再來 --- 陳eason

　5) swear it again --- westlife (我第一首fall in love with them的歌)

　6) amie --- damien rice (偷雞整多首啦)

yee.....痴線架，咁難架！！！就黎迫死我啦．．．

唔該牛爸、牛媽、你早、ceci及仇生同我玩左佢！

被tag中了，但好懶，唔想想自己有甚麼怪僻。

甲．勁驚搭小巴，十個站前已經練定點樣叫落車，手心冒汗，把聲仲會變變地。

乙．有「戀自己ｄ物僻」，成日檢視同摸自己的書、CD、VCD、戲飛、以前d作文、相、雜誌等等。

丙．頗驚在塊鏡裡面見到自己，好似有d唔認得自己個樣成日都，盡量避免在街上見到反光的物件就怒照。

丁．在屋企或回家路上，間唔時會同自己講野，大家唔洗驚，我無精神病。

戊．我無咁多怪僻，真係勁怪個ｄ都唔話你地知啦，例如咬自己。

 

哼，我好任性，我唔跟game rules，我唔tag人。

好想寫返下個歐遊的事情，但這陣子好膠著呀個人，甚麼都有點提不起勁去做，連應該追返的資訊也撒手不理了。我out爆呀呢排，由我啦，咪理我。

　只知道自己很掛住freiburg的生活呢。regularity。

今天和妹妹去看了《charlie and the chocolate factory》，真係幾驚的，問了我妹妹的意見，覺得dark了點吧。雖然我喜歡。

johnny depp的costume、那些小矮人、歌舞，全部都邪氣得很，教人由心裡寒出來，其實連那些斑爛的佈景我都覺得好得人驚，tim burton好像將心裡的邪氣都放了出來，一次比一次厲害。

其實tim burton係咪細個時候都受過一d traumatic experience呢？如果唔係點解會成日都偏執於去處理ｄ親子關係呢？很費解。

還記得roald dahl這部書是我細時的favourite之一，當時的chocolate factory於我來說意義還只不過是chocolate factory罷了。現在人大了，成日都想究竟做呢件事有甚麼意義做個件事又有咩意義點解做又點解唔做等等等等，煩到死，所以好認同charlie話「a candy is just a candy, it doesn't need to have any function」。

同意，但做唔到。

 

今日在車上出金鐘時，忽然想到ｄ無聊野。我呆呆地望住個車窗時，見到隔離有架小巴好慢地移前（即係個ｄ呢個紅燈就轉但個死人司機就等唔切死都要慢慢郁前ｄ好似會快勁多地移前），有一剎那我覺得好似我架車在tun後緊，勁好feel勁浮。點知唔夠兩秒我個大腦就話左俾我知只不過係架小巴tun前而唔係我tun緊後，so rational and logical。第一下覺得knowledge原來真係幾block左個腦既creative functioning。即刻無哂mood。

好無聊。