新鮮滾熱辣的：

陳奕迅演唱會DVD

依然的激動
心情的起伏跳升
連妹妹也被我訓練成《傷信》也懂唱

 

第二件新鮮滾熱辣：

warwick welcoming guide

昨天空運抵港
我翻了一整晚

忽然很焦慮
如果我付合不了那個條件
我一定會哭出來

然而我卻只能坐立不安一直到七月底
期間甚麼也做不到

我時不時都在想
上天幾時會忽然狠狠地
把廿多年來的好運
「索」的一聲從我的手裡拿走
一個人的好運
總是會用完的吧

給你一張書單
共建一座書城

http://www.rthk.org.hk/special/10books2006/

唔唔
這單子裡有很多非常多極多數之不盡的書我還未看過
我要是有一座書城
恐怕只能是一個空中僭建
有極多短樁

 

這兩天幫爺爺和姑姐
從華富閣的家
搬到海怡來

就這樣
我在香港的親人
就集齊一套在海怡了

姑姐的家像極了哈利波特的那條「斜角巷」
這裡敲敲那裡拍拍看
就會有無窮無盡的drawers走出來

其實
有冇咁多野要收埋？

 

看來我都要開始想想
我的家要如何裝修了
始終我的房間真的需要比現在多的儲物空間
那就是說
如何在本身已有既定不能增多的空間中
另僻一些叫做儲物空間的東東
真的很弔詭

 

今天最令我不安的事：
媽媽說爺爺新的家中有女鬼
而我剛從爺爺的家中回來

星期三

與陳大頭及唐小彭去了APM
食左粒薰衣草
好似食Soap咁

陳大頭個胃依然好大
真可憐

 

星期四即係今日

同MLC同學仔去了大眾踩踩踩單車
天公造美
天氣好得不得了
變了關公後再變黑人

累死了
我真係一做運動就死

 

剛剛仲同久未露面的carlos傾了陣計
係呀
係在西班牙serville的那個carlos

原來佢仲有兩年先畢業
仲有得玩
同埋成日去beach去party

真開心

好希望有機會探探他

 

同埋好想睇返手塚治虫的漫畫
係咪除左comic cafe外別無選擇？

從劉保的xanga中
聽了一年前森美移動的情人節特備節目
《情人反擊中心》
聽d男仔打上去講下自己女友有幾煩

劉保，借條link來啊～

http://corumchu.sporthk.net/valentine.wma

 

原來
無胸學人著低胸裝
同埋
唔鐘意成龍大哥而鐘意百老匯電影中心
從男孩子的口中說出來
是這樣的攪笑

咁橋
個男仔講個套《天地無倫》
我都有睇過

又話入百老匯電影中心既人都唔會聽森美

錯啦
我少爺占都聽啦

哈哈

看了
《萬世歌王》

有點始料不及的是
詹瑞文比我想像中唱得少歌

及原來
佢從某一set costume來看
是幾瘦的

 

笑位是很好笑
但我感到
佢有d想從「藝術野」及「大眾娛樂野」之間取balance
然而
有點令到整件事
散收收

 

anyway
我覺得我呢個年齡層去睇
是十分著數的
無論舊歌新歌八卦野
我都知哂～
即係twins側田衛蘭哥哥城城羅記
我樣樣都知下
都不錯

 

記得健說
比較喜歡以前的詹瑞文
好像比較做返佢自己個瓣野

但我相信
而家呢個詹瑞文
真係入哂屋

情況同吳彥祖既入屋有得比

真的
我都鐘意佢兩個

尋晚
半夜
成立了「迪士尼保衛隊」之後

發現明珠台的late late show
在播《american history x 野獸良民》

種族之間種下的仇恨種子
真的很可怖

甚麼黑人白人猶太人

世界能經得起幾多次種族清洗
而不用承受惡果？

還不是人類的把戲

 

戲中的結局
弟弟好像替哥哥承受了報應

但還不是那個老調
「冤冤相報」
這就是人性

 

Again
Edward Norton
what a character

何詩詩的新碟
少了艷光四射的華麗
沒有梁祝的下世傳奇

好像只有那個人
那個自己

是不是該回到最起點

自說自話

音樂可能是生活的一種姿態
一種空空的態度

 

聽著音樂
靜靜地哼一句兩句
喝一啖清水

望望那個天空

多謝哂各位朋友
我一定會在走之前（仲有成４個月）
約大家或者俾大家約我

你們的祝福
會令我在來年
在一個陌生的地方
活得很好

 

星期三
到了港大和陳大頭遊玩
我們體驗了正宗的歐洲人式hea
也就是甚麼也沒幹地聊天
坐在那些長椅上
被蚊子叮著（只係大頭而已，我代ｄ蚊講：真係好好食啊大頭ｄ血！）
看著那個荷池
不著邊際地說個不停

然後還好像傻仔地
買左幾本港大的「校簿」
喂
真係幾靚的
中大唔知有冇

我想
我和陳大頭
一定係個種就算很久沒見
都唔會生外的朋友
之前劉ａ話朋友大置分成兩種
一種係以activities的數目去定（即係有幾成日一齊玩）
一種係以sharing secrets去定（即係我會唔會知你原來腋下生瘡之類）
我和陳大頭
好似兩種都唔係
勁

夜晚同牛牛琪姐cerys陳大華李寶怡李易思吃飯飯
戲肉還在石磨坊玩的遊戲
inspired by森美的「邊個呀邊個呀真係好波」
真係哈哈兩聲

 

星期四
即刻睇左《da vinci code》
因為睇左書先
所以都係覺得書好睇d
因為有太多野係anticipated的
及因為書能夠提供一種chapter與chapter之間的引誘

anyway
是一套有很多很多很多廣告片在前的大片
覺得audrey tautou能夠穿著高高高跟鞋
走得很很很快
真真真捧

然後和劉A很constructive地搵左去曼谷的資料
一定一定要去得成！
唔得既話我地兩個人都要去！
我要去買ｘ同埋買ｘ！

 

我覺得我和劉小ａ真的很有緣
我們在一起做了很多東西
是很舒服地做了很多東西
然後我們還能夠一起去英國
真的
好犀利

 

今天
到了彭彭家的豪華會所打羽毛波
還有彭彭的妹妹和妹妹的朋友和朋友的男朋友
男朋友是美國人呢

打羽毛波真的很舒暢
雖然我是老人家少運動
打兩下已經喘哂氣
然後我和彭彭和彭彭的妹妹組成了無敵的「迪士尼隊」
因為我們是彭彭和丁滿
用我們的勇氣和毅力去對抗
身為院隊羽毛球手的妹妹的朋友及其男朋友組成的「海洋公園隊」

當然
迪士尼邊夠海洋公園打呢

跟住上去玩了monopoly
那個美國人
講左好多平時未聽過既rules
都唔知係咪his own rules
anywayz
最後我都破哂產
而整個game
就變成了「男 vs 女」/「外國人 vs 本地人」/「誠實人 vs 不誠實人」之爭
男朋友真係慘

 

放暑假
伴隨著好消息
我有好心情

呵呵呵

如無意外
今年10月
我會在這裡唸碩士課程

英國啊英國
university of warwick啊

我現在已經興奮得難以形容

WOW~
在中央圖書館借左本成2吋厚的《roald dahl complete short stories》
好興奮啊
他的short stories真係好鬼好睇
衰衰鬼鬼咁樣
有d tim burton feel架

 

之後又行左HMV
心情不大好的我
又做錯事啦
又消費啦
不過完事後心情真係幾好bor
咁算數啦呵？

 

唉
dirty pretty things總係差d野咁
吸乜鬼野毒呀
真係

唉
忍痛買返隻唔見左的the libertines
點解要唔見左呀
咁耐之後買都仲係咁貴

 

好
聽日張生張太要行街街二人世界
我做孝感動天的孝女
睇鋪

今天的天氣好得讓人像雪糕尖一般溶掉

 

張敬軒與爸爸duet的《絕頂愛情》
真讓人想看看他的父母

 

看畢謝曉虹的《好黑》
這個廿五歲的人真係勁
勁在這麼冷眼看世界
雖然其實我覺得荒謬冷漠的眼鏡背後
還是有d野的
就好像那個為了交換喜歡的女孩而失掉雙目的少年

「不知甚麼時候，早晨似乎已經來到，
　因為少年感到微熱的陽光，
　已降臨自己的臉。
　對於陽光，少年有一種新的體驗。

　『好黑。』他說。」（《幸福身體》）

係呀
有時候再荒謬再殘忍的事
也許都會有一種新的體會
只是我們都會在新的體會前便全速撤退了

 

許志安的《大愛》
初聽有點唔舒服
再聽有點傷心
會唔會三聽會有點得道之感？

 

一日天堂
一日地獄
又或者一秒天堂
一秒地獄更準確

會唔會我有一天可以大大聲發誓話
我以後都唔再攪ｄ咁既野

係lor
次次都係咁
我諗一世都係咁
各人有各人的stories
唔體諒既話錯就在我
體諒完我條氣就頂住
我不嬲都係燥底
可能有時人前一副樣人後一個臉
咁somehow可能大家都無錯既
我咁大脾氣
我忍一次忍兩次忍唔知幾多次之後
quota用哂
咁又會點

anywayz
唔得又唔洗死人

 

真係衰
我本來無諗住寫篇咁既野的

我今天本來與弟妹焗了個不錯的蛋糕給媽媽的

我本來就無諗住嬲任何人的

 

打完
唔嬲了

 

今次大大WOK

Coldplay真係7月黎香港

完成了大學生活的最後一份功課

呼～

老實說
我做得並不是出盡九牛二虎之力
拖得太久我就洩氣了
希望不太樣衰

 

今天很開心很開心
跟thesis同學及慧貞老師吃了個午飯
交了thesis
好像一下子大家都要一起長大
談談前程
但我最開心的
還是成功地約了大眾踩單車郊野上（當然成不成功要到個日先知）
畢竟
好像我還是第一次跟同屆同學們做這些青春事
很興奮同緊張
或者我是誇張了

今天很開心很開心
劉Ａ和 Jan-nel（發音應大概與chanel相若）陪我唱了個ｋ
Jan-nel真的是打碟奇才
自由女神完再見亦是戀人
女人唔易做的有過去的女人
火舞黃沙的佘詩曼插曲好一句「黃沙中都有曾做過的夢」
烈女緊接處處吻
那個串燒的寶麗金唔知乜鬼連鄭嘉穎都有份唱新鴛鴦蝴蝶夢
bye bye bye跟opps i did it again跟genie in a bottle竟然還有wannabe
最後以從不喜歡孤單一個作結
勁

今天很開心很開心
之後跟丸之座爸爸同劉A子同 Janice-Nelson吃飯
說了很多笑話
還在百德新街上看到很多狗狗走來走去
威爾斯
哥基
仲有stephy kary同埋paco
paco喎
係喎
係捧邊個紅邊個既paco

今天很開心很開心
回家看到《向世界出發》
聽了一遍那令人起雞皮的主題音樂

今天說了很多很多話
也許有很多沒有經大腦

 

聽了幾次
覺得mardy bum真的幾libertines
最好聽係呢首

呢幾天日日不停check email
check呀check
check呀check
緊張得要死

這幾天
都在聽903
發現了這個他

這個男孩
同我差不多大年紀
唱埋哂d歌
jack johnson青靚白淨版

好襯這個炎炎夏日呢
聽真d
真係有少少「oh mcdonald had a farm.....」feel架
不過唔係貶義的
你聽下sweet rose就知我講乜

電台熱播中的astair
真的衰鬼地幾簡單0岩聽
天天天
我都好想有首歌是講述我這個女孩的
iris iris iris

還有那首oh dear
有點兒像披頭四

 

這個叫matt costa的男孩
好似同jack johnson幾老友咁
真勁
他們可以一齊去衝浪跟住迎著浪花彈結他笑哈哈

 

夏天
27-32度
最好是聽聽有浪花拍過來的唱片

換了相片
左劍橋　右中大

希望即使畢業了　工作了
仍有些東西可以提醒自己
我還是我

 

Header也不再是Importance of being Idle

雖然我深信人生總是工作有時玩樂有時
也許
總之
無論橫風橫雨
都總會有我自己的sunshine走進來

 

有些事情
由它過了就過了
沒有甚麼好追究或大惑不解或竊笑

畢竟
I just roll on and on

抄

有點傷心的感覺
那位朋友 二話不說
把xanga同showhappy都關了
算是對我反抗嗎?

老實說
看到他的日記真是無心插柳之舉
但越看越覺得奇怪
我想
如今
他關了日記這個舉動
只說明了兩件事
一係佢可能唔想再生事端希望平息這事
而另一可能 就係佢真係承認自己係抄襲

我本來可不想相信的
說到底
大家都一場相識

表達自己的能力誰都有
勇敢d面對自己啦
有勇氣做就要承擔
或者你覺得我誤會你
如果係咁
請你勇敢d向我說明

這樣令我覺得世界真的可以很恐怖

發現了一件
令我震驚得
真係張大了口的事情

我從來沒想過
我這麼一個普通平凡的人
說的話這麼無聊沒遠見無特別
竟然都會........

大家別誤會
今次絕對不是甚麼甚麼大學收左我讀之類的喜訊
雖然對於我這樣一個沒特別才幹的人來說
這件事或許都算是對自我的一種另類「肯定」

 

我只想說
日記是將自己所想的東西寫出來
可能有些人用來鍛鍊文筆
有些人想表達對世情的一些看法
又或者有些人像我
只是想將一些生活雜碎記下
無論是怎樣
都是自己內裡的一些東西
至少我是這樣想

其實無論寫成怎樣
只要是忠於自己的
就無所謂了
文筆好不好或者有冇宏大的觀點角度也許都不重要
因為寫真心話是很難的

 

唔知我咁樣講對不對
但係呢件事真係令我很困惑

除非世上有兩個我

 

我並不嬲
只是
真的很困惑
我希望我身邊的所有朋友所有陌生人
都會善待自己的感受
真正的忠於自己

 

講到底
我真係唔明點解要咁做

喂
好難頂呀
真係好悶
我就黎變成一pat野
痴lup lup踼都踼唔郁個d野

等等同埋等
等交哂文
等考哂試
等消息
等日出
等入黑
等名正言順去玩
等到甘心承認要搵工

日日睇電視
女人唔易做
火舞黃沙
向世界出發
我就黎
連高朋滿座都睇埋
好惡頂

睇左
《大事件》《elephant》《elizabeth town》《sitcom》《flightplan》

讀左 /緊
《好黑》《換取的孩子》《月球姓氏》《玫瑰念珠》

聽左 /緊
903《5天精華遊》《少爺占》damien rice《O+B-sides》brokeback mountain ost

 

我頂唔順自己咁懶懶閒閒閒懶
煩煩貢貢貢煩
無無聊聊聊無
哈哈呵呵呵哈

一陣睇比利艾略特

謝過多位