親愛的祖國，「文化傳薪火，實幹闖未來」，可不要只說不做啊。

可是天啊那些路那些人們那些廁所那些公車那推撞和那口痰。

 

讀完了《大個佬麥兜》，這是一本長大了的人才不要看的書啊。如果我能認識一個像麥兜的人多好。

 

又，看了《戀愛地圖》，台灣日本上海的協作。

愛情啊，有時候真像一幅畫歪斜了的地圖。地圖是地沿的描述，愛情的邊界又在哪裡？

三個故事，三段偶遇，六個言語不通的人。大有Love Actually的感覺啊，有甚麼是愛不能overcome的？

最喜愛范曉萱和加瀨亮在台北的故事，《藍色大門》的導演，他們有誰知道對方在說啥呢？唯有在言語不通時，我們才能回歸心底最原始的交流吧。在那條微薰的隧道裡，范攘著亮的腰間，輕輕的一句「多謝」。隧道裡，沒有雨沒有風。

我也多想有一條隧道的溫暖。

然後在上海的那個日本男孩與上海女孩，淡淡然的。那個女孩最後告訴他，te quiero，是再見的意思。然後他爽然地向她說：「te quiero!」

天，這是個像我這般蠢鈍這般細膽這般不夠亮麗的人才能想出來的玩意。

還有在雨天她發瘋般跑回去幫那男孩收回在天台曬晾的白恤衫。有些東西，只能拿在手上，放不進心頭，很輕，很輕。

反觀陳柏霖與伊東美ｘ的一段就太過日劇了點吧。

 

年底了。

每一年都覺得自己於這一年經歷了很多，又要比上一年多了。經歷是不是可以永無止盡地儲備呢？只是覺得屬於自己的板塊們越積越多，會不會有一些無可避免地給退到了邊緣位置然後就失落掉？

只記得今年攪好了中唱，成了大學時代攪成了的最好的一次回憶。句子很冗長，心頭盡是表達不到的。

然後暑假去了一次一生也不能忘記的歐遊，對啊，自遊行，英法德奧瑞。會不會一生只有一次呢？然後最好下一年我也去了另一處地方然後又再問自己這個問題生生不息六六無窮永無止盡。

踏入了大學生涯的最後一年，用盡了力去讀自己喜愛的，比談一次戀愛可能更費力。

和朋友年終無休地聚會，無他的，人與人之間的感情永遠無不勞而獲。越是重要的東西，越要費心力把它留住。然後，就是「呼～」的一聲，心頭滿滿的，盛載了很多很多，重要的人和事。

也許，記得的，不記得的，也都全放在心頭。failure of retrieval不等如failure of storage。

 

我想，也許，最可惜的，還是。

 

從前，有三隻蝦。

哈

哈

同埋哈

牛：你講到懶有ｄ野咁，我唔明。算啦，你都知我實扮唔明。明又點。

浪哥哥：結果係我唔洗俾十蚊都知道了。有幸有不幸。

 

這兩天都忙著中同的聚會，忙碌，但快樂。

定dresscode，整聖誕木頭蛋糕，整小學生美勞聖誕卡（在此特別鳴謝張芷君小朋友），新法交換禮物，玩蘇格蘭版大富翁，玩斷腳扭扭樂，吃大量到會，飲酒扮哂野，睇識法代言人。

快樂到不能。

多謝大家的禮物～ 特別多謝你，也許那晚，聲淚俱下是誇張了點。

可能有人覺得我地無聊，但這些時光都是最美好的。和大家一起總能忘記許多憂愁。雖然我們都仍活在現實。

 

未來兩天都會在內地呢，希望唔會凍僵了。

 

也許該想通透點了，畢竟2006年快要來到。而我又真的沒有幾多個年頭可以奢侈掉。

wow~ 聖誕過左lu~~~

第一次在尖咀由平安夜過渡到聖誕的早晨，瘋狂的五人。

唔夠訓地與弟妹看了《harry potter 4》，我是一貫的戲迷，所以還是覺得好睇。榮恩雖然大了樣子不太好了，但還是很可愛；妙麗很美麗，還哭了；哈利依然是靠朋友靠運氣靠勇氣唔死得；一班配角都各安本份，只是我覺得那個法國女孩挺有氣質，但角色好似像花瓶了點。

哈，整個戲院八十巴仙也是小朋友。我們人人也想有一個魔法世界。

與弟妹在人頭湧得很的街頭走了走。

回家還看了《哈爾移動城堡》，wah，哈爾好型仔，我愛他。

果然如人云一樣，總像有些很深奧的道理要說，但一時三刻解不透。我想我要多看一兩遍才能有所感通，不過沒有慧根的我還是覺得這是很窩心的一部戲，不只是卡通。愛一個人，去救他的心吧。

除左愛上了哈爾，最近還相中了趙增熹。就是那個幫李克勤張新碟彈琴做監製的男人。原來他是如此年輕的，白色西裝，整個人在鋼琴上飛揚。好正。

 

忽然醒起早幾晚在銅鑼灣見到一樣有趣的玩具，那個人在街頭擺檔，那個玩具聲稱是「魔術玩具」，是一只只有兩三吋高的小玩偶，好細粒，不停可以在地上彈黎彈去（無位放電池，一定唔係入電）。最神奇的地方係，那個人大喝一聲「坐低！」隻公仔就真係會坐低，大聲叫「企返起身！」又真係企返起身，異常神奇。

但重點係，呢個咁神奇既秘密，你只需付出十元就可以買一隻返去並拆解謎團。

我死都唔肯買。

只係十蚊，呢個秘密就會永遠在我的人生消失。會唔會太可惜了點？

我覺得這就是我的問題了。有些事，明知只要做多少少，行多一步，就會知道結果是甚麼了。但我死都唔做。

我就是害怕結局會不甚亮麗不堪入目不值一提。就好似一個十蚊的秘密。

 

好開心浪哥哥收到我的卡了～　有些人還是應該小心地輕放在心上既

 

今天與弟妹在家玩了一天無聊的網上遊戲，及時行樂。媽媽親手捲了壽司，吃吃喝喝。聖誕節一如其他節日，洗滌心靈。

由敝弟出的一題：臀部靈魂（猜一稱謂）

來一首反高潮

來一個反高潮

 

差一點沒又以為自己用手抓住了流水

看了《如果．愛》。

究竟是故事不深刻人物不立體歌舞穿插太撩亂歌不夠精舞不夠勁

還是我真的太久，太久，不知道愛了。

如果愛，或者愛，應該愛，如何？

很久以前，我懂得答。我覺得我答得對，然後。只有歲月無聲。

 

在銅鑼灣肆意遊走。讓聖誕浸沒我吧。然後淹死。

 

超級多謝baby wen的聖誕「小心肉滑」卡卡和糖果~ 心都甜哂

 

與前莊員渡過了極度愉快的一夜，只是時間流得很快，相聚太短。

當中《大個佬麥兜》成了本莊的健康讀物，將於不日reserve於University Library。

而我竟然又在臨近這佳節前有些不安份的低落。

想，想，很想。不是口號，只是真的想。

今天到了朱nick的家燒野食。他真是一個大好人，又有學識，又攪笑，又親民。他的太太也是大好人，今日不停服侍我地呢班大食懶，又識得燒香蕉。他的兩個子女好abc。

好開心，因為又想燒野食又想去professor屋企又想同好人一齊又想同同學一齊玩，全部一天內攪掂。

超級多謝朱nick及其家人。

 

我要講一句，李易思叫賣的聲音真的很亮麗～

 

近期很愛的一個廣告呢，就是richard gere送白鴿給印度小女孩那個，雖然很orientalism很imperialism，但有時候，放下這些自以為很批判的角度，或許該發現，世界上有種東西，叫做愛。

約了弟弟妹妹看harry potter，很期待～

今天的淚腺過發達，由早哭到晚。

看了《the barbarian invasions 老豆堅過美利堅》。竟然是會看到哭的。那個和爸爸從沒兩句的兒子，那班滿口咸濕笑話又文縐縐的老朋友及情婦，的確，這個老豆雖病但真的堅過美利堅。

他說，最好是能看著親愛的人們的微笑然後死去。來到世上，談完一輪甚麼主義追隨了甚麼思想以後，再離開，再走遠。

晚上看了很期待的《merry christmas 聖誕快樂》，第一次世界大戰的一段插曲，一段很快樂但更殘酷的插曲。

英、法、德，勢不兩立的是國界還是甚麼？

影片睇睇下會覺得有少少gag，又會有少少疑惑無可能係咁。但有誰又不暗暗地希望寧可戰爭是這樣。

我寧願打仗真係咁樣的。這是我臨走時同牛牛講的一句話，我覺得過於天真，不便啟齒。

寧可胡鬧

一首歌，一只貓，三個國家，一個戰區，一個聖誕。

 

有些人值得用一生的力氣去憐愛。有些不。

好多野想寫返，很瑣碎。

早幾晚睇了法國電影節的兩部電影，《anthony zimmer 緝拿Z先生》及《The Beat that my Heart skipped 我心遺忘的節奏》。前者是一套不俗的懸疑片，但不是那種很令人難忘的片子。後者比想像中多了一些gags，講述一個會彈鋼琴的男子。

好想講下《我心》。淨係一個獨居的男孩家中有部三角琴。殺哂。

個男孩成十年無彈過琴，同佢過左身既鋼琴家母親好有關，有ｄ心理陰影之類（橋段其實熟口熟面），然後佢媽媽個伯樂有一天忽然撞返佢，仲叫佢去audition，於是佢又練返琴。我只係忽然間諗，好可能眨一眨眼，就論到我十年無彈過個琴。不過無人會叫我去audition，然後我又未必會彈返琴，然後我會將一個留左廿年既琴放在客廳中央。跟住我心就遺忘左個節奏，永遠都搵唔返。

其實我懷疑我彈左咁多年琴，都未真正彈過個琴。

《trainspotting》中ewan mcgregor的衣著是永恆的cult！短身tee，超貼腳直筒pants，超污糟米白色mid converse，吸毒樣。即使係癲癲地的robert carlyle都係著住fred perry sweater。痴線。

那一口唔睇英文subtitles係無可能聽到既scottish accent，還有fish and chips。

頭先0岩0岩睇完《KING KONG》，大片黎講好好睇，無冷場，三粒鐘，足以令人腎上腺素不停又升又降，絕對好睇過《史密夫ｘｘｘｘｘ》同《強戰ｘｘ》！同埋竟然係會睇到眼濕濕的。

Naomi Watts靚到無得講！邊有人拍ｄ咁既片都仲可以咁靚，又好戲，雖然我覺得佢都係《mulholland drive》正點更多！

注意套戲有一幕既核突程度足以令人銘記一生，真係好核突。

見到king kong爬上去帝國大廈，忍唔住拎返隻《sleepless in seatle 緣份的天空》出黎睇。或許有點東西是相通的吧，雖然好像很難理解。

買左中島美嘉的精選碟，全因為NANA吧，但仍記得第一次在ＨＭＶ試聽她的碟，是《LOVE》，她口中含著一枝花（咁樣形容你一定以為好gap）。

買左《92黑玫瑰對黑玫瑰》佢個英文片名真係殺死你，the legendary la rose noire。終於都出返碟，還記得在我仲需要寫毛筆字交功課的時代（小學吧）無線經常在星期日下午播呢套戲的，經典中的經典。

相信梁家輝的石屎mung頭look係無人唔記得的。快d搶購！

頭先同會長及carmen正在想27號酒精party的rundown、theme及dresscode。這些時候雖然很苦惱，很諗爆頭，但總是愉快的！

 

雜亂無章的人生，以雜亂筆法記下。

原本我又想寫返尋晚睇既兩套法國電影節戲碼及trainspotting的一d野。

但

原本我聽日會過尖咀睇英國新浪潮

但

今天的確是很chaotic的一天，始終我只能透過media reproduce出來的影像去猜度。

最壞的是

d交通一pat野咁，我細佬今日試圖出尖咀都失敗左。

我是活在沒有地鐵線繼而被邊緣化的一群。

加上我爸媽用將近歇斯底里的情緒阻止我出街。

好彩無話過俾佢地聽我諗過跟同學仔去遊行

唔係佢地實當我係燒壞腦的暴民

然而

我真的很想用我的肉眼去看看究竟發生了啥事。

re 劉保：無錯，就係個句，好突兀。

re餅：哈，我是native來的，無有怕。

你早同劉a ：無話可說。

 

原本重看了《trainspotting 迷幻列車》，心情很high很正很好很不能形容。

但看著他們在電視螢光幕上，他們一排排的，三步一跪一叩。

真的，情何以堪。

無線的確是偶有佳作的，聽你早說，他們的編劇都是有料的人，奈何主要觀眾群是家庭主婦們（which is looking for 本草藥王 type 節目），有志不得伸。

昨天除了見到手搖鏡頭外，還在《識法代言人》聽到「馬克思」及「恩格思」，有點打個突。

考試嘛，就是會做盡平日不應浪費時間去做的事情嘛。

包括看盡全日的劇集 yoyoyo。

然後走左去翻了翻以前的作文簿，係lor，就係中學迫人寫下文個ｄ，見到有一篇叫做「一顆心的獨白」。opps。

頭先剛check了Film Directors 的 exam grade。呵呵。

 

我真是一個懷舊懷到瘋了的人。

無線用hand held shot去拍佘詩曼同鄭伊健講分手個場喎

幾過癮

傀儡

在明珠台多看了一遍《玩謝麥高維治 being john malkovich》


當我在大街上垂著頭默默地走過不平的坑道時
我會兩手左右微微不停地擺動
左　　右　　前　　後
然後我嘗試用手指碰碰冷得變紅的鼻尖
食指高舉著
　　忘了自己戴上了那對令兩眼乾澀得如長法包的表面的
　　隱形鏡
推了推一下鼻子
任讓冬天的空氣觸碰那赤裸的鼻樑
摸一下還夠不夠？
抑或

無論怎樣

我永遠也碰不了自己的鼻子
我的鼻子上也沒有架著眼鏡
眼睛裡也沒有戴上隱形鏡

木偶師何時才休息完？

而家好得閒，做下呢ｄ先～　（tagged by 仇智德 and 俏秘書）

壹、這份問卷是誰傳給你的？

仇生

俏秘書

貳、跟他〈她〉是在怎樣的情況下認識的?

第二十屆中文大學歌唱比賽

wah, 咁難既, 中四啦

參、認識多久了?

to be exact 一年零兩個月

哼, 要我計返出黎, 即係迫我認我距離中四好遠啦, 我死都唔計

肆、他〈她〉有什麼別於一般人的特點嗎？

肯認自己鐘意扮cute同扮型, 唱歌好聽, 有錢, 串, 隨和, 順得人, 有主見, 話得事既大佬feel, 對我好

斯文(在骨子裡), 細心(好少表現出黎), 聰明(同我咁上下), 語言能力極高(我估, 有目共睹), 表裡不一(唔, 好難解釋), 對我好

伍、在你心目中他〈她〉是怎樣的人

同上面差不多, 再加做得野, 上進, 詼諧 (同幽默不同), 係一個好人

同上面差不多, 再加對朋友好有心, 諗野成熟, 鐘意叫我全名, 同我一樣低b

陸、他有做過什麼令你印象最深刻的嗎？

第一次唱通k的《1874》及半夜海怡長堤吹風頭髮很亂

每一次佢好大聲咁「喂呀, 張燕屏呀」咁鬧我時

柒、現在有想認識誰嗎?

外國人、靚仔、有內涵的人、會講「冷笑話」的人、寫字靚的人

捌、請傳給n個倒楣鬼。

黎x core group的人 (如果你地得閒的話)

仇生

你早, 琪姊, 維姊, 牛爸, 牛媽

看完了某人日記。

原來回憶是，有時候當你以為經歷盡最平凡庸碌的一天，然後，就想起了。

被壓縮了的東西，無論怎樣，還是在那裡。

我們該興幸有些經歷雖然像千層糕被壓得變形、扭曲，但吃下去還是老樣子。

我會想像如果我係你，當沉寂已久的經歷突然間重疊時，會怎樣。

原來，哭，的確是因為明天會記得今天。

然後，走下去。

蕭伯納 王爾德 但丁
莎士比亞 馬奎斯 小仲馬
請指點我去用情書將心扣住
辛棄疾 矛盾 魯迅 蘇軾
求可體恤我筆尖的計算
長話盼 盡說短
人海中等惜字緣

伊索 屠格涅夫 狄更斯
歐威爾 艾可 卡爾維諾
幾本書的背後埋藏著我心事
張愛玲 曹禺 老舍 冰心
如果早幫我寫命運情節
從未怕 命太短
惟恐寫不好那段緣
盼成全

At 17 的《才女》，于逸堯真勁，竟能將咁多作家放進詞中，大家找機會聽聽。

其實我諗做咩都係一樣，都要有真材實料，先至會做得好。

這是連日來做paper做到隻野咁都做唔好以及睇左于逸堯的詞所得出的結論。

正在以緩慢的心情快速地趕papers當中。

正在以冰冷的指尖敲打微微發熱的鍵盤（個電腦可能就爆）。

正在等待無聊的無線播放好正的婚前昏後。

 

好凍。感覺良好。好像在冬天的時候，我才比較能感到自己真正的存在著（還有那些凍僵了的手指腳指鼻尖耳仔）。我好喜歡這樣，連睡覺時也感到腳指好凍，然後用盡力將自己卷曲，再卷曲，好似一粒發育不良的蝦米。

戴著在freiburg與我抗冬的頸巾，忽然又想起那間能望到樓下球場的房間，那部過左十二點就壞壞地的lift，那條stefan抱著amy爬上來的後樓梯，那個32號門口。

freeze to death both inside and outside.

前晚丸之座冒著第二天早上考試的沉重的負擔與我去看了《男人之虎》。Roar!~一定0岩哂丸之座呢~ 我覺得真係好好笑的one man show！好笑在佢成日不停重覆某ｄ動作或說話。其實點解會好笑呢？好多人都係咁講野，又或者好多老人家都係咁講野。我地笑係因為我地相信我地唔係咁樣。

我是一隻大笨象。

尋晚同琪姐cerys去電影資料館睇英國新浪潮的戲。

點知，竟然，好少有bor  導致我地三個中左咒地又討論「you know what」那個話題，我唔提多次啦，廢事琪姐話係我孤星托世。

睇左兩套，兩套都見到「蔡明亮個ｘ」（人名一個，你早，2005），我好想知道佢個心係諗緊乜野的，我係真係想知的。一個人看戲多酷。

jean cocteau既概念展覽好靚，係好多media既人的crossover bor，連明哥都有分。

尋晚在西灣河遊蕩之際，見返個室內遊泳池，還記得差點兒在那個水深至胸對落的池嘔吐。我真係有病的。

今日去考公務員綜合考試，我發現自從小六以後就無再做過數字推理，仆直。我好驚呀，我唔想個腦會萎縮，所以我俾自己一個聖誕禮物，就係要做下數字推理同邏輯推理。我係認真的。

假期有好多野做：

regular野 (睇書睇戲睇電視出街玩留在家玩約中同大同返工友購物等)

irregular野 (踩單車打邊爐去梅窩過夜返大陸做推理溫英文)

忽然有個想法：唔知洛楓有冇買madonna新碟？

在歧路上，我們高呼尊嚴還是幸福。

然，沒有了尊嚴，甚麼才算是幸福。

忽然發現呢排睇親乜都話人地型。

好明顯係人地真係型。

唔該，《NANA 世上的另一個我》，好睇到嘔，中島美嘉無可能型成咁。

奈奈全身濕哂失魂落魄咁返屋企，冷不防中島美嘉咀對咀錫左佢一啖，的確係佢地兩個關係既展現的一絕！仲有奈奈失戀縮在被窩喊，美嘉粒聲唔出就訓在佢隔離輕輕攬著佢，真係太．正．了～

點解無個中島美嘉咁既女仔在附近？

佢唱Glamorous sky個一場，絕讚！我唔expect佢真係咁rock得起，燈一亮個下，全黑西裝褸上的一朵大紅絲帶玫瑰，glam爆！首歌真係勁出！

兩個女孩，世上的另一個我。拒絕孤獨。

世上的另一個我的人生。

 

註：同琪姐進入瘋狂狀態，並多謝佢尋晚陪我鬥個thesis題目出來。

正在苦思thesis的proposal當中。

原本諗住十分不自量力地做gender/feminine writing，最慘係我根本完全無底，得個諗字。十分多謝彭家維同學陪我諗左咁耐，仲借埋個account既reference俾我　我諗我都係唔係gender人黎架啦（你早都係咁話）～

又，陪左家維牛牛陳淑華（牛代表）及cerys去領畢業袍，yee，文學院既米黃色好易污糟呀，條條都好　佢地12月8號就畢業典禮啦～見到佢地ｄconnection仲keep得咁好真係好眼紅添。

我好快都會拎袍LU~~~~~

尋晚半夜訓唔著，起身睇左《Fight club 搏擊會》，wah，好睇到震，拳拳到肉，同埋估唔到劇情最尾係咁，d editing真係好型，好似成日帶住我游黎游去咁。

edward norton超型，當然brad pitt係好傳統個隻型，但係唔夠edward norton咁正，超addicted look，病態到不能，個人好似每一秒都會collapse咁，性格又歇斯底里到盡，個對黑眼圈間直係可以捲起風潮！好一句「I cant sleep」，直情令我對失眠有一種變態的嚮往！

能夠媲美的相信只有《trainspotting》中的ewan mcgreggor。

《fight club》一定要睇，除左型之外個故事真係好正，對於我地呢ｄ就快要面對現實進入社會既人黎講，真係一次放到盡既自虐！又或者個ｄ覺得自己好正常好滿足現狀既人，睇完可能會有ｄ野。

 

同埋好想講一句「仇智德加油~」

 

我thesis好想做董啟章，希望諗到點做，by 今晚。

發現我的日記，有ｄ怪怪地，好似同以前唔同左好多。

有時候，好像很不能於人前揭露自己似的。又有時候，揭露了出來的，也許只是拼圖的一兩片而已。而呢副拼圖甚至不是我的。

只是當這個擬真的世界越來越真實的時候，我又為什麼需要它了？真實是因為它越來越假。

文字反映心性。但當語言越來越複雜混亂時，我撫心自問。我認為我寫的東西越來越假，滿足不了自己，強裝成一些連自己都不明暸的東西。

我覺得還是歇斯底里一點好。

將會很忙，但現在仍在hea中。

頭先睇左無線播的《spider man》，好睇。kirsten dunst個酒窩令我好想meet下佢塊面，而點解佢而家可以咁瘦呢？

呢ｄ咁既大片其實都真係幾好睇的，娛樂性豐富啊～　對上一齣有呢個感覺的應該係《van helsing 狙魔人》，喂，真係幾好睇的，男主角hugh jackman勁型！

剛睇完杜琪峰頗早期的一部作品《鎗火》，好睇到震。能夠將一部黑社會動作片拍得如此靜態而又不悶而又令人很緊張，的確好強。呢部戲之後杜琪峰拍左一堆《孤男寡女》呀之類的戲，其實真係幾費解。（我本身都覺得《孤男寡女》係好睇的，只係唔明杜琪峰點解可以分裂得咁緊要）

《鎗火》可以算係杜生拍男性情誼及無劇情既開山之作，真係好劇力萬鈞呀（對我黎講，有張力既意思大概係我對眼離開不了個銀幕，十分簡單）！特別係商場保護大佬同於草叢與狙擊手對峙兩幕，很風格化型到震！

好鐘意睇呢ｄ咁既男人戲，好鬼唔realistic，正。

 

好慘，尋日在UC lib睇到一半的《pulp fiction》，john travolta與uma thurman的舞姿仍在我心中迴盪久久不散。相信係好睇過《kill bill》的。

應承左pumbaa，我要記低佢個新名：喜樂(起落)活力小跳豆。

你早：coen brothers 1984年第一套戲，但到左1996年先至在oscar拿獎，就係你講個套《fargo 雪花高離奇命案》

會長：你當局者迷姐，呵～

yee，好耐無寫，因為懶。

快速記事：

睇左四院劇賽既shaw同chung chi，shaw好睇好touched對劇場空間有d思考，崇劇ｄ衫好靚歌好聽。

上堂睇左the coen brothers既一d戲，包括《raising the arizonas》（超級有趣的瘋狂喜劇，nicolas cage好生鬼，1987年的戲）及《barton fink》（未睇哂，但又係一套有點黑色幽默的戲，幽劇作家一默的戲）及《miller crossing》（好似會幾好睇，有ｄgodfather + goodfellas feel）及《fargo》的一小段。這對兄弟真是活寶。

與陳嘉媛吃午飯，吹了一桌水，很勁。漫遊旺角。多謝她的生日禮物。

同會長慶生。錯將灣仔grand hyatt當作尖咀hyatt，由surprise會長變成surprise我本人。新港機鋪巧遇吾弟，驚鴻一瞥驚覺他為當代舞王，型到震（如實紀錄），會長更認為吾弟與光良有七分相似（只為當晚打扮適用），芳心蕩漾，無視與吾弟六年光陰既差距，展開鋪天蓋地式的追求（我估遲早會）。當晚我們更於星光大道漫步，好不浪漫，我們身為肥椰青（肥胖的夜蒲青年）及肥邊青（肥胖的邊緣青年），施展混身解數，最終，會長成功引來三名食煙但型的男子前來祝壽。會長兩眼放光。事情終告一段落。

第二日完全不省人事，走了腸仔的堂，內心內疚得非常。

看了《goodfellas 盜亦有道》，真的是盜亦有道嗎？唔通個「道」係指有系統？睇真ｄ套戲描述到黑社會都有system有宗族，所有野都有規有矩，但突然間個套「規矩」又可以因為一條友發癲而瓦解左。總之就要當權啦，唔係就死得好慘。

無所事事。

睇多左一次無線重播的《逃學威龍３之龍過雞年》，唔知點解，除左覺得好笑之外，我好似對無記於星期日重播既電影都有ｄ情意結，如果唔係一件垃圾，我多數都會睇。

睇埋重播劇集《婚前昏後》同《再見亦是老婆》，好睇。唔該無線而家夜晚個ｄ劇集收皮（《刑偵》除外）。

讀緊朱天文的《荒人手記》，原來係講queer的，我真係無知。讀得好慢，因為她的這部手記很「手記」很後現代很難消化很難理解甚至有點過份。

夜晚面見牛牛一起吃飯，講講講講左好耐。好掛住他。

剛發現了amazon.com出了一個penguin classic的whole collection。

無錯，係whole collection，直至2005年，總共有1082 titles的作品，超過750磅，價錢係大概$64,000港幣。

"all great works of literature totaling nearly half a million pages."

有興趣去看看個list，淨係望下，都經已達到高潮既感覺。

 

如果他日我有咁既能力，一定會儲返set。

不為甚麼，只係想high下。

對不起，我又係週期性問題，讓大家瞎擔心了。

反正我而家的生活就是好得非常，不能再好了的。

但係我估kasmine係估得對的，你可以打俾我check下answer

昨晚睇左《藝行四方》，好想可以去多次（應該係好多次）edinburgh既fringe festival！仲要去住民宿３個禮拜！勁行市集！勁講英文（british+scottish accent的）！勁吸個度ｄ空氣！

回想起在2002的summer，我仲未係好知fringe有幾巴閉，但都胡里胡塗睇左兩套theatre，又睇左個巡遊，又去左ｄ攤位度玩，又買左件加大大大大碼既tee，我真係好好彩呀！

這是今年fringe的一個表演節目的宣傳

我覺得cathay pacific新既廣告真係好買得中而家呢一代人：我地天生有顆躍動既心！如果可以既話，真係好想時時去旅行（我既ultimate一定係歐洲！）！面對完現實又逃避下現實又再面對返現實，呢個process係最令我滿意的。

 

又，下面這個女孩子真的太可愛了～

60年代的model Twiggy

真的很mod啊

最終我還是得承認，是很失落的

無論過了多久

昨晚看了《最好的時光 three times》，很侯孝賢吧應該（我唔係睇左好多，唔敢咁講）。

最喜歡〈戀愛夢〉，那個阿兵哥，那個桌球小姐，那首smoke gets in your eyes，那個下雨的夜，那些撞球，那艘無光的船，那個桌球小姐的行李箱，那對阿兵哥的黑白布鞋，那個桌球小姐的束腰白襯衣花布裙，那個阿兵哥的一頭剷光了的髮。

那個舒琪，那個張震。

戀愛就是這麼簡單的，最好的，時光。

 

莫怪乎人們說侯大導這部作品充滿自己的影子。那是海上花和千禧曼波吧。重覆不重覆也許不是問題，最重要是靈魂啊。〈戀愛夢〉給了我它的靈魂。

 

今日去演藝聽左個亞洲文化合作論壇的presentation，有陳可辛，一個韓國導演（好似係業界主席），一個律師，一個CEO。

都係D好浮面既討論啦，總之大方向就係要利用CEPA，向中國十二億同胞市場進發，同埋要進行多d Asia co-production。

最大得益係見識到陳可辛流利到極既英文，拎左兩本香港電影金像獎特刊，知道左少少CEPA對電影業放寬左D乜野，同在演藝拎左一Ｄ brochure。

 

yeah！買了董啟章的最新長篇小說《天工開物．栩栩如真》，呢部佢自稱為自然史三部曲既首部，長達五百頁。

真係好貴啊，成一百大元，如今能令我如此掏錢出黎買既作家，真係無幾多個。

極度多謝琪姊姊送我的禮物：《一次 --- 影像和故事  Einmal-Bilder und Geshichten》by Wim Wenders

愛到不能再愛多一點

他說：

「每張照片讓人驚奇的地方，
並不是通常人們所認為的
『時間定格』，
恰恰相反，
每張照片都重新證明
時間的綿延連續
不可停留。
每張照片都是對我們生命必會消逝的提醒。
每張照片都關乎生和死。

每張照片，
存在於時間裡的每個『一次』，
都是一個故事的開始，
總是以『從前有一次』開場。
每張照片也可以是一部電影的第一個鏡頭。」

 

看吧，讓影像代我們說話。

我們的一次。

熱烈地想睇呢幾套：

會唔會係靚左少少？

 

又發現左原來《sophie scholl》既女主角就係《die fetten jahre sind vorbei》(即係《大教育家》)既女主角julia jentsch

記低先：

睇左

《the shining 閃靈》（晨早流流在電影課裡看的，睇到我全身發冷好急尿）

《Lord of the Rings 三部曲》（我同佢地一齊長征）

《vertigo 迷魂記》（好睇！希洽閣真係勁！）

聽左

《還是會寂寞》《the groupies》《華麗的冒險》《楊千嬅紫色個隻碟》《the invisible band》《pablo honey》《2046: soundtrack》《forever sunshine of the spotless mind: soundtrack》

為表誠意，我打一篇entry覆大家的留言。

劉A：因為你誤會左我既意思，所以覆左你先，我意思絕對不是我唔感動，係完全相反，可能我上面鋪陳得太衰，致使你誤會左我。我係感動得全身起雞皮咁滯（你知只有真正的感動先會咁啦），而我意思係當呢個世界上好似只會存在物質性既stimulation之時，仍然有你地肯咁花心思去為我surprise下，十分感激！

karen lau：一定要添呀！唔止生日要celebrate，連平日閒日都要celebrate，借ｄyee見下面！

餅：你都知要健健康康哩？我許左願架啦，身邊既朋友一定會身體健康的，你唔好病呀，唔係我個願望就唔靈！

Amy：呵呵呵，唔知哩～

蛋糕小姐：大家咁話，仲要靠你幫我地打ｄ好碟同揀ｄ好蛋糕！

魚：梗係記得你啦！你係發水麵ｘ呀嘛　好多謝你呀，仲記住我生日～我都記得你架，july 6th呀嘛~~ 你幾時會返黎海怡呀？等你一齊去長堤散步！

俏秘書：你．．．唔好太囂張！雖然收到你張卡我感動到死，但係唔代表你可以唔同我終老！

彭家維：我知你同你早都很有心，錫哂你～

 

現在要寫一個超級感恩日記，因為今日雖然老了一歲，心情上理應有ｄ覺得yim悶（距離嚴重老化又近多一步），但我覺得我這個無聊人得到了太多太多，實在係幸運得好想大聲拍手掌！

一．多謝浪哥哥，真的很感動，日本寄來的心意。中左佢既詭計，忍不住哭了

二．多謝會長、DJ Cake Carmen、彭彭、劉A尋晚的surprise，這個年頭，stimulation太多，感動太少，苦了你們苦心經營為的只是令我這個傻瓜興奮感動。你們與我共渡良宵，見證住我又同你地拉返大一年既距離。尋晚既通Ｋ令我重拾年輕少女既魄力，我們瘋癲到底，RED box吹我地唔脹。

三．多謝俏秘書既越洋message，說得對，佢地俾左我好大的驚喜，原來中同們的cohesion真的很強大，心思真的很細密，我好想同大家一齊終老。

四．多謝Amy同Sandra同我食左一餐飯／甜品，大家都係天蠍，大家都要有目標。特別多謝Sandra揀的蛋糕，麵包包住蛋糕，好似暗示左一ｄ做人既新態度咁（應該又係我亂諗野）；亦好多謝Amy的那個小禮物，那東西本來應該係可以咬的，但而家在我手裡的又不能咬，好矛盾的人生。

五．多謝牛爸牛媽及你組（早）仔，一起吃飯，一起去科學館玩，一起看《一球成名GOAL!》，無以為報，特別多謝牛爸媽既生日禮物～

六．多謝彭家維既垃圾桶裡的糖果（and花and靚簿），Unexpected的快樂。

七．多謝十二時正打俾我的張鴻驥。家姐又老左一歲，你又大了一點，心情很複雜，但亦很甜。

八．多謝所有send message給我既好朋友們，多謝你地心裡面有一個小小的角落留俾我（我唔會識穿你地係要多謝ICQ birthday alert既）。

九．多謝所有留過言在我既previous xanga entry的人，你們同時陪我過左舊曆生日，萬歲。

十．多謝琪姊姊為了我大費周章，期待你的禮物。

十一．多謝所有呢一刻睇到呢到，又有諗過一秒「張燕屏原來今日生日」既人。

十二．多謝多一次我的家人（當然包埋那班五星級迫爆的你們），無你地，無22年的我。亦無而家。

懷住感恩既心情，過今天，過以後每一天，好似載滿左幸福咁。

我再講多ｄ呢，我諗會有人以為我信左教。但係其實信教都幾好。

大一歲，對我黎講即係新一年，我今次生日只有短期小願望，希望一年內實現的瑣碎事，然後下年再接再厲。願望包括：

繼續感情用事（我覺得這對我來說是好的）、好努力讀最後一年書、身邊的人完好無缺身心健康快樂、用盡學生優惠睇戲睇劇去博物館、搵到感情依靠（這是很實際的，我唔會扮野的）、同鍾意的人去科學館玩。記住係短期目標啊，一年吧。

其實ｄ願望唔大唔細，好似我個人咁。

我希望我既人生係一粒不倒既小酒塞（尋晚我地飲個支香檳個粒），我推它，有時會倒下，有時不會，最後我又會重新扶起它，繼續同佢玩。打不死就最好！

多謝爸爸媽媽既tiramisu蛋糕。

多謝舊曆生日。

多謝彭家維早到既生日快樂。

多謝琪姊。

多謝你早的口述禮物。

多謝細佬細妹教我玩個樣野但係最終我都係玩唔識。

 

我覺得我好想咬一個人一大啖。

昨日與琪姊睇左《黑社會 election》，蠻不錯啦，一貫的masculine及過度美化的男性世界lor。

任達華cool and 型係意料中事，其實都無甚驚喜（雖然最尾個下的確嚇窒左）；古天樂、林家棟、林雪、張家輝、張兆輝，下集的鋪陳；而林家棟有強烈的無間道味，古天樂則是柔道龍虎榜味。

再諗真ｄ，上面個堆人，有少少似睇緊無線劇集。

我係幾鐘意睇香港的警察片同黑社會戲的，姑勿論當中包含左幾多浪漫化及我地呢d乜都唔知連黑社會條尾都未見過既人既幻想，但係個種男男世界兄弟行先既盟誓的確係睇到人血脈擴張的。

好一句「愛兄弟，還是愛黃金」。其實諗都諗到答案係乜啦。

我還是覺得英文片名比較有趣，《election》，黑社會的制度及秩序，一板一眼的龐然大物。是否最終極的傾覆？

ｄ打燈真係無話可說。

我都係最鐘意《柔道龍虎榜》。throw down，get up。就是這樣。

 

前天上陶生課，講到matrix，好深，好深，好深。電腦世界要debug就整左neo出黎，咁人類世界要debug可以點做？

在學校寫xanga，還是頭一次。

這幾天做左ｄ乜呢？平心而論，唔多記得。

買左《無間道1,2,3》，終於用左6小時無間斷地睇左佢。

被遺忘的時光，倪永孝，Mary 姐，楊錦榮。

有好多口號式的對白：「做女人好簡單，只要個男人好，我做咩都得。」

「個世界唔應該係咁，做人都唔應該係咁。」

「我想做好人。」

晚上去睇左拉丁藝術節既另一個節目：《事先張揚的求愛事件 The Postman》,講述一位智利既詩人兼政治家Pablo Neruda既事跡。

現場既拉丁結他配樂，真係令人好似置身呢個純樸既智利小島黑島之上，縱使ｄ演員係講緊中文。

整個話劇既narrative手法非常簡單，讓人回歸說故事及聽故事既本源，亦好似表現出呢個小島既簡單、熱情、直接既氣息，我很喜歡這樣子。手法是寫實的，感覺卻很浪漫。

聽左少少Neruda既詩歌，真係覺得佢係一個很有人文關懷同很熱情率性既人，而佢亦係1971年諾貝爾文學獎既得主，同時又參政。文學情懷與政治識見既結合，一位充滿睿智既老者。

特別鐘意劇中既配樂，由Beatles既《Please Mr Postman》到Rina Ketty既《J'attendrai》到好正，愛死佢ｄsound design！

老者說：「整個世界就係一個好龐大既偶然。」

今晚看了Max! 德國電影節的另一部戲：《Sophie Scholl: die letzte Tage 抗戰白玫瑰》。

講述二戰時期一個叫做「white rose」既學生組織如何宣傳反nazi反hilter反戰既訊息，而sophie scholl同佢哥哥就係發起人之一，在一次偷偷雞派傳單既時候被捉到，整個故事就係圍繞佢如何被迫供如何面對佢人生既最後一段的日子。由佢被捉到，到佢被判處死刑，都只係４日間既事。

又係一套exploit二戰德國歷史既電影，然而，每次睇呢ｄ電影都係痛苦的。人性在呢ｄ大氛圍底下，係咪只有被控制被吞噬既份兒？

sophie scholl說：「我們要有strong spirit，同埋tender heart。」

很touching的一種信念，使我相信真的有呢種tenderness的存在，是一種強烈的存在。

另一個痛苦的地方，係我對二戰的歷史真係知得很皮毛，而我亦是一個很apolitical的人，好似有點不完整的感覺。呢種感覺在我同一位在freiburg認識既italien傾完計後更強烈。佢都知道有white rose同sophie scholl既事跡。

其實我們真係知得很少，少得連自己在世界上有多大都不知道。而我們更自負（定係愚蠢）得選擇不去知道。