剛剛才知道爺爺兩星期前過身了
媽媽說是笑喪
來了這邊一年
婆婆和爺爺都相繼離世
你話係巧合又好
係乜唔係乜都好
我都覺得很警醒
當然悽厲地哭了
就是好像在耳邊被人大聲地罵了一句粗話
又或者有人在腳邊豪無預警地吐了一口痰
相當不好受
但很慚愧
我的傷感不安大部分也許不是為了過世的人
從爺爺婆婆的死訊中
把我從「幸福小寶寶」的夢幻中拉了回來
係啦
其實
可能有一日
爸爸媽媽都會就咁樣就去左
而個一日
真係唔知係邊日架
聽日又話唔埋
後日又話唔埋
總之就係可以近到乜咁
好恐怖好恐懼
今年出黎讀書
或多或少都仲係一種逃避長成大人的狀態中
還是活於爸媽的護蔭下
但忽爾接近的死亡讓人不禁有一種內疚感
內疚自己沒有好好地長成一個大人
內疚自己長期活於逃避中
內疚自己不夠孝義
有好多屎樣野內疚
但係咁樣諗好似好不孝
眼淚究竟應該為誰流？
我懷疑我ｄ眼淚其實係流俾自己既
因為我真係好屎無用
因為我真係好內疚
但係呢個時候內疚令我覺得自己好無情
8 comments:
喂，咁耐無出現，好掛住你呀!
你點會無用呀? 又要番工又要寫dissertation，無用少少都撐唔住啦!
比自己透一日啦。
流淚是情感的表達...
正如你之前係日記裡寫...如果要用為他做多少來代表有幾愛..那便不是「純愛」....
所以,不用去想你是為什麼而流淚....即使你認為自己因為自己而流淚的....但我知道....這個淚...總是因爺爺而流下的...
哭...一會兒便好了....
我深信...你的婆婆爺爺在天之靈都不希望仍在生的你們會活得不開心...要做個乖乖的孫女...你就應該盡快收拾心情....積極愉快的好好活你的每一天...那是對你爺爺婆婆顯示你最孝順的一種表現!!
p.s.這陣子我爺爺的身體不太好....看見他每天坐立不安....做孫的一點也不好受....不只是爺爺,還有爸爸媽媽....這一年發現他們老多了....需要我們的照顧....所以
Iris baby, 我地大家都要努力....我們仍有個家要我們去照顧......大家都要努力~....
為了你的爸爸媽媽,你要加油!! 朋友們永遠都會支持你的!!
記住...你不是無用的!!! ...只少在我心中...你不是!!!
想念你~
hey babe take care我都覺得自己選擇讀書有多少都係"逃避長成大人"但係當你見到身邊的野慢慢消失呀改變呀，就會明白自己始終係要長大我都試過呢種好恐懼的狀況，覺得咩都可以好化學、咩都可以好易變但當你睇到身邊有好多人對你好，又會覺得可以有機會在呢個世界生活過其實都仲係好好
Dear Iris,
i am so sorry to hear this sad news...it must be a hard time esp for u, as u are away from your family...
i believe tht u must have grown up a lot during this yr, so pls stop blaming yourself la~~
Add oil! ^.^
long time no c, cannot believe the first thing i hear from u is a sad one....
but dun think too much la~
節衰順變~~
btw, where r u rite now? working in foreign country??
我去歐遊那時, 同伴的公公都過身了, 她還在決定應否立刻飛回香港
結果她沒有, 人死不能復生, 你節哀順便呀. 哭不要緊, 覺得自己無鬼用都不要緊, 甚至你真係無鬼用都不要緊, 最緊要是, 你在往後的日子如何對待身邊的人, 和自己---不要拒絕長大
共勉之 , 番唻食tea
或者唸得太遠了這是必經的成長呀同學唔好難過~保重~~
看完...我也哭了
我同你既諗法一樣
我係一個廢柴!!!!!!!!!!!!!!!!!!!!!!!!
不過你不是啊, 快d番黎啦!!!!!!
Post a Comment