家裡事
有機會再向大家交代

 

多謝彭家維的懷舊零食
媽咪麵
魷魚條
旺旺燒米餅
可樂糖
爆炸糖
還有我未見過的「便便糖」
yeah！

 

忙搬屋
其他甚麼事也做不來

 

剛剛看了星期四檔案
講好多人唔識波學人賭波
問左好多投注站買完波的人
其中最惹笑的
一定係那對女孩
問：「一隊波有幾多人打？」
女甲：「應該係１２個」
女乙：「唔係，應該係１０個」
女甲：「計唔計龍門先？」
問：「計」
女甲：「咁１３個！」

問一個男人甚麼是越位
他答得好理所當然：
「一個球員跌入越位陷阱時就係越位」

另一個在茶餐廳看英格蘭波的男人
則誤以為威廉王子是國家隊隊員

 

我都唔係識好多
亦同意世界盃somehow只係一種氣氛一個trend
大家睇下波食下野吹下水不知幾開心

但
眼見即使是那些賭波的人
亦即係那些應該以這些球賽去賺錢的人
都竟然連ABC都唔識

我唯有想
有一日就算我去賭場玩
我都唔會研究showhand點玩先可以好似賭神咁
中行電盈都大把張三李四去抽返手
而家乜都可以搏一鋪
洗乜事事懂呢

 

所以簡單結論係
識睇波既人叻
識睇波既女仔叻
鐘意一樣野係要做功課既
當人人都投機博彩時

cerys同俏秘書好叻