「結識報紙仔行動」第一回宣告失敗。

痴孖根，今朝一落怡香園，內心經已有一陣不尋常的悸動。個心一邊諗，新一年都仲未見過佢地添，正在默默尋思中，外賣電話應聲響起。

B餐，餐肉轉腸仔，丁麵走豆，熱奶茶。

一聽就知道係啦。跟手咪坐立不安左成三個字咁lor，內心不停盤算如何進一步行動。

內心想像一：我想問你係咪送報紙架？哈哈

內心想像二：喂，你叫咩名？

內心想像三：呢個我電話，不如你得閒call我

妖，佢落黎個時，我聽緊電話lor竟然，跟住我只能默默無言地望住他的背影走遠。氣餒到極點。連叫咩名都未知。連佢係阿哥定細佬都未知。就黎連我阿爸阿媽姓乜都唔知。

哈，其實就算我唔係聽緊電話，我都無咁既guts。想像下算了吧。真削。

 

唉唉唉，尋日睇左三套戲lor

《色情男女》哥哥及舒淇及爾冬昇。哈，原來劉青雲又真係幾似爾冬昇。

《love in thoughts 誘惑假期》有daniel bruehl 同 august diehl，個中文譯名差得很，全片瀰漫著一片《少年維特的煩惱》的況味。究竟我們應該在嚴重絕望時抑或是在極度快樂時結束生命比較好一點？人人都嚮往敢愛敢恨，又人人都只是一只蟻民，甚麼都不能。

《king kong》@明珠台，7x年版，垃圾。

 

又原來ATV World有個新節目叫做《the cut》，係類似the apprentice既真人show，賣點係tommy hifilger攪既，贏左可以幫佢出一條line既product。

又尋日有個港台節目咩青年協會xx週年特輯，內裡出現了beckt的everybody gotta learn sometimes，damien rice的delicate及beck的e-pro。邊個cut的？

 

唉唉唉，今天一整天的心情似乎都好不起來了，但又唔係唔好既，只係點解呢？點解呢？點解呢？

正一死白痴。