劉保：其實睇到爸爸去世之後無耐，我就無睇了～　竟然miss了「識法代言人」這句點題之作，簡直浪費了無限青春。

劉Ａ：你係咪想我真人唱俾你聽？基本上我差不多全首都唱到架～咪大我。

 

今天與中同唱了K lunch，好耐無唱過K lunch，所以我想重覆講多次K lunch呢個名字，好似最熟悉的陌生人咁。今日間房除左大煙味ｄ之外，個望到工展會同幾支飄揚中的國旗區旗的景緻，實在令人津津樂道。

側田的《命硬》，唱多幾多次我都願。

接著經典地、年少輕狂地、不顧後果地飛的入康怡睇《情義我心知》。

賣點一：黎明同杜文澤跳天鵝湖（這段竟然有點O先生的影子）

賣點二：黎明

有人話呢套野抄《手足情未了 The Rainman》，我覺得並不是。港產娛樂片黎計，我絕對相信會好過咩《最愛女人購物狂》呀《情癲大聖》呀咁。的確係一套幾感人的片子，片中的杜文澤竟一點也不乞我憎，而黎明的確演得好可愛。

無錯，係好．可．愛，呢三個字我從來都唔覺得係可以用來形容他的。

片首的一段以舞台劇方式換佈景，很高章，仲要用天鵝湖音樂接去hip hop music，剪接同音效都花了很大心思，玩野得來一般人一樣睇得開心，非常好。

我認為賣點三可以係張耀揚，因為佢個段得確係有點兒玩出火，不知所以。

有些朋友覺得結尾不應如此，但，世上就是沒有完滿這回事吧。雖然很突兀，但人生有時候就是由很多很多的突兀組成。可能太真實的東西才顯得太夢幻。

 

講開《情癲大聖》，我內心真係好掙扎，因為真係對劉鎮偉好有期望，但係又真係唔想睇英皇。點解我對英皇有咁大既prejudice呢？係因為佢地污糟？anyway，見到阿sa個final fantasy般的「外星女戰士」look，我真係投哂降。

 

狂煲「己己」的《你可以有更好的它》中！

（註：為免有人好像牛牛咁蠢，我解一解畫，己己即係甲乙丙丁戊己裡面既己，亦即係ＡＢＣＤＥＦ既Ｆ，咁ＦＦ即係己己，而ＦＦ亦即係franz ferdinand）